فروخت کرنے کی نیت سے خریدے گئے پلاٹ کی زکات

صورتِ  مسئولہ  میں  مذکورہ  پلاٹ  چوں کہ فروخت کرنے کی نیت سے خریدا تھا، لہذا جب تک  اسے فروخت کرنے کی نیت ترک کرکے اس میں رہائش  کی نیت نہ کرلی جائے یا اسے کرائے پر نہ دے دیا جائے، اس وقت تک ہر سال زکات کا سال مکمل ہونے پر اس کی مارکیٹ ویلیو کے حساب سے کل ویلیو کا چالیسواں حصہ یعنی  ڈھائی فیصد بطور زکات ادا کرنا آپ پر واجب ہوگا، زکات کی یک مشت ادائیگی چوں کہ شرعًا ضروری نہیں، لہذا حساب لگا کر جتنی زکات بنتی ہو اسے لکھ لیا جائے، اور سال بھر کے دوران تھوڑا تھوڑا  کرکے زکات ادا کرتے رہیں، اور آئندہ سال آنے سے پہلے پہلے ادا کرلیں۔  فقط واللہ اعلم