دعائے قنوت کی جگہ دوسری دعا پڑھنا

وتر  کی نماز میں قنوت پڑھنا واجب ہے، اور  مخصوص دعا «اللّٰهُمَّ إِنَّا نَسْتَعِیْنُكَ ... الخ» پڑھنا مستحب ہے، دعائے قنوت کی جگہ اگر کوئی ماثور دعا ایسی پڑھی جو کلام الناس کے مشابہ نہ ہوتو اس سے بھی واجب ادا ہوجائے گا، البتہ استحباب  رہ جائے گا، ہاں دعائے قنوت پڑھنے کے ساتھ کوئی اور ماثور دعا بھی پڑھ لی تو حرج نہیں ہے، بلکہ  «اللّٰهُمَّ فِیْمَنْ هَدَیْتَ ... الخ» بھی پڑھ لینی چاہیے۔  اور اگر کسی شخص کو  دعائے قنوت یاد نہ ہو تو  «ربنا آتنا في الدنیا حسنةً وفي الآخرة حسنةً وقنا عذاب النار»پڑھ سکتاہے، (لیکن دعائے قنوت یاد کرنے کی کوشش جاری رکھے اور دعا ئے قنوت یاد ہوتے ہی اس کے  پڑھنے کا اہتمام کرے)۔

الدر المختار وحاشية ابن عابدين (رد المحتار) (1 / 468):

"(قوله: وهو مطلق الدعاء) أي القنوت الواجب يحصل بأي دعاء كان في النهر، وأما خصوص: «اللهم إنا نستعينك» فسنة فقط، حتى لو أتى بغيره جاز إجماعًا."

فقط واللہ اعلم