مسجد کے مدرسے کے استاد کا مسجد کے لیے جمع کیے گئے چندے سے تنخواہ لینے کا حکم

بصورتِ مسئولہ مسجد کے  لیے دیے گئے چندہ کا مصرف مسجد کی ضروریات اور مسجد کے مصالح ہے، لہذا مسجد کے چندہ بکس میں جمع ہونے والی رقم سے مدرسے کے استاد کا تنخواہ وصول کرنا جائز نہیں ہے۔البتہ اگر  مکتب کی عمارت مسجدِ شرعی کی حدود سے باہر ہے اور چندہ بکس بھی  وہاں پر مدرسے کے اخراجات کے لیے لگایا گیا ہے  تو مذکورہ چندہ بکس سے تنخواہ وصول کرنا درست ہوگا۔

فتاوی شامی میں ہے:

"(ويبدأ من غلته بعمارته) ثم ما هو أقرب لعمارته كإمام مسجد ومدرس مدرسة يعطون بقدر كفايتهما ثم السراج والبساط كذلك إلى آخر المصالح وتمامه في البحر." 

(كتاب الوقف، ج:4،ص:368، ط:ايج ايم سعيد)

فقط والله اعلم