بیت الخلا کی صفائی کے بعد غسل کرنا

بیت الخلا  کی صفائی کرنے  سے غسل کرنا  لازم نہیں ہوتا، اگر صفائی کے دوران ناپاک چھینٹے جسم پر لگے ہوں تو  صرف ان کو دھولینا کافی ہے،  اور اگر  ناپاک چھینٹے نہ لگنے کا   غالب  گمان ہو تو اس صورت میں جسم  کے نچلے حصے پر پانی ڈالنا بھی ضروری نہیں ہے، اگر کوئی اطمینان کے لیے جسم کے نچلے حصے پر پانی بہالیتا ہے تو یہ منع نہیں ہے، لیکن اس کے بعد مزید کسی شک یا وسوسہ میں مبتلا نہیں ہونا چاہیے۔ فقط واللہ اعلم