نابالغہ کے زیور میں زکات

صورتِ  مسئولہ میں جب کہ  یہ زیور ابھی آپ کی بیوی کی ملکیت میں ہے اور آپ کا ارادہ یہ ہو کہ آپ یہ اپنی بیٹی کی شادی پر بیٹی کو دے دیں گے تو اس صورت میں  چوں کہ ابھی ملکیت بیوی کی ہے؛ لہذا  اگر آپ کی بیوی صاحبِ  نصاب ہو تو  آپ کی بیوی پر اس زیور  کی زکات لازم ہوگی۔ لیکن اگر آپ یہ سارا زیور  ابھی بیٹی کی ملکیت میں دے دیں اور بیٹی کا اس کی جانب سے قبضہ کرلیں تو اس صورت میں چوں کہ  وہ زیور بیٹی کا  ہوجائے گا تو اس پر  زکات لازم نہیں ہوگی ؛ البتہ  اس صورت میں چوں کہ یہ نابالغ بیٹی کا زیور  ہوجائے گا؛  اس لیے اس کی ماں کو اس کا استعمال کرنا بھی جائز نہیں ہوگا۔

فتاوی شامی میں ہے:

"وشرط افتراضہا (الزکاة): عقل وبلوغ وإسلام - قال ابن عابدین: قولہ: عقل وبلوغ: فلا تجب علی مجنون وصبي."

(الدر المختار مع رد المحتار: ۳/۱۷۳، کتاب الزکاة)

فقط واللہ اعلم