کیا عالم کے لیے سال لگانا ضروری ہے؟

اس دور میں  بے علمی اور  بے عملی  عام ہے، عوام تک دین پہنچانے اور ان کے دین کو پختہ کرنے کے  لیے موجودہ تبلیغی کام بے حد مفید ہے  اور اس کا مشاہدہ ہے؛ لیکن جو شخص دوسرے طریقہ سے دین حاصل کرے اور اسے دوسروں تک پہنچائے، اسےحقارت و  تنگ نظری سے نہ دیکھا جائے، لہذا  اگر کسی عالمِ دین نے تبلیغی جماعت کی مروجہ ترتیب کے مطابق فراغت کے بعد سال نہیں لگایا تو  اس میں کوئی حرج نہیں ہے، نیز اسے حیات الصحابہ کی تعلیم کرانے سے روکنا حد سے زیادہ غلو کی علامت ہے، جوکہ نتیجے کے اعتبار سے بے حد نقصان دہ ہے۔ فقط واللہ  اعلم