ایک بیٹی، ایک بھائی اور دو بہنوں میں وراثت تقسیم کرنے کا طریقہ

اگر آپ کے سوال کا مطلب یہ ہے کہ بیوہ کا انتقال ہوا ہے،  اب اس کا ترکہ ایک بیٹی، ایک بھائی اور دو بہنوں میں کیسے تقسیم ہو گا، جب کہ ماں باپ اور ساس سسر کا انتقال ہو چکا ہے ؟  تو  اس کا جواب یہ ہے کہ  اگر مرحومہ پر کوئی قرضہ ہو تو اولًا مرحومہ کی جائیداد میں سے قرضہ جات ادا کیے جائیں  ،   پھر اگر مرحومہ نے کوئی جائز وصیت کی ہو تو اس کو ایک تہائی میں سے نافذ کیا جائے، اس کے بعد مرحومہ کی کل جائیداد کو 8  حصوں میں تقسیم کر کے 4حصے مرحومہ کی بیٹی کو، 2 حصے مرحومہ کے بھائی کو اور ایک ایک  حصہ مرحومہ کی ہر ایک  بہن کو ملے گا۔

یعنی فیصد کے اعتبار سے پچاس فیصد مرحومہ کی بیٹی کو، پچیس فیصد مرحومہ کے بھائی کو اور ساڑھے بارہ فیصد مرحومہ کی ہر ایک بہن کو ملے گا۔ فقط واللہ اعلم