سورہ واقعہ وغیرہ نماز میں پڑھنی چاہئیے یا دیکھ کر
سوال
کچھ سورتوں کی فضیلت صبح میں پڑھنے کی ہے جیسے سورہ یس، سورہ رحمن وغیرہ اسی طرح مغرب کی نمازکے بعد سورہ سجدہ، سورہ واقعہ اور سورہ ملک تبارک الذی وغیرہ اگر یہ سورتیں زبانی یاد ہوں تو ان کوصبح نماز اشراق میں اور مغرب بعد اوابین میں پڑھنا بہتر ہے یا پھر قرآن میں دیکھ کر پڑھنا افضل ہے؟ براہ کرم راہنمائی فرمائیں عین نوازش ہوگی۔
جواب
صورت مسئولہ میں مذکورہ سورتوں کا جہاں ذکر آیا ہے تو وہاں مطلقا ذکر ہے لہذا نمازمیں بھی پڑھ سکتے ہیں اور دیکھ کر بھی پڑھ سکتے ہیں ۔
عمل اليوم والليلة لابن السني (ص: 630):
أن ابن مسعود، رضي الله عنه قال: سمعت رسول الله صلى الله عليه وسلم يقول: «من قرأ سورة الواقعة في كل ليلة لم تصبه فاقة أبدا» قال: وقد أمرت بناتي أن يقرأنها كل ليلة
مسند أحمد ت شاكر (8/ 262):
عن أبي هريرة عن النبي - صلى الله عليه وسلم - "أن سورة من القرآن ثلاثين آية شفعت لرجل حتى غفر له وهي تبارك الذي بيده الملك". فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
