نمازی بننے کے لیے کیا کرنا چاہیے؟

ایسے آدمی کو چاہیے کہ سچے دل سے توبہ کرتے ہوئے آئندہ نماز نہ چھوڑنے کے پختہ عزم کے ساتھ نمازوں کا اہتمام شروع کردے، اور نماز پڑھنے میں  جو چیزیں رکاوٹ بنتی رہی ہیں ان سے کنارہ کشی اختیار کرنے کی کوشش کرے اور نمازی و نیک لوگوں کی صحبت میں اٹھنا بیٹھنا شروع کردے، نیز اس مقصد کے لیے نماز کے فضائل و مسائل کا مطالعہ بھی مفید رہے گا۔

فضائل کے لیے ’’فضائلِ اعمال‘‘ (از حضرت شیخ الحدیث مولانا محمد زکریا صاحب کاندہلوی رحمہ اللہ) میں سے فضائلِ نماز کا مطالعہ کریں، نیز  ’’نماز مسنون‘‘، (مؤلف: صوفی محمد سرور صاحب رحمہ اللہ)  یا ’’نماز سنت کے مطابق پڑھیے‘‘ (مؤلف: مفتی محمد تقی عثمانی صاحب دامت برکاتہم) کا مطالعہ کیجیے۔  فقط واللہ اعلم