کیا شوہر کی رضامندی کے بغیر طلاق یا خلع ہوجاتا ہے؟

واضح رہے کہ  شریعت کی اصطلاح میں طلاق اور خلع دو الگ اصطلاح ہیں، جن کے وقوع کی الگ الگ شرائط ہیں، طلاق کے وقوع کے لیے شوہر کا اپنی بیوی کی طرف نسبت کرتے ہوئے طلاق یا اس کے ہم معنی الفاظ زبانی یا تحریری طور پر ادا کرنا ضروری ہوتا ہے، جب کہ خلع کے وقوع کے لیےبیوی کی جانب سے شوہر کے نکاح سے آزادی کے حصول کے لیے مہر معافی کے بدلہ  میں  خلع کا مطالبہ کرنا اور شوہر کا اس مطالبہ کو قبول کرنا ضروری ہوتا ہے، لہذا صورتِ مسئولہ میں شوہر کی جانب سے طلاق دیے بغیر طلاق نہیں ہوگی، اور خلع قبول نہ کرنے کی صورت میں یک طرفہ طور پر خلع شرعًا معتبر نہیں ہوگا۔

فتاوی ہندیہ میں ہے:

"الخلع إزالة ملك النكاح ببدل بلفظ الخلع، كذا في فتح القدير."

( الباب الثامن في الخلع وما في حكمه وفيه ثلاثة فصول الفصل الأول في شرائط الخلع وحكمه وما يتعلق به، ١ / ٤٨٨، ط: دار الفكر)

 فقط واللہ اعلم