عدت کے بعد عورت کا میکے جانا

عدت کی تکمیل پر کوئی خاص عمل مثلاً  میکے جانا، دعوت کرنا یا معتدہ کو تحائف دینا  از  روئے شرع لازم نہیں،  بلکہ مباح عمل ہے،  پس اگر  کوئی بھائی اپنی بہن کو اُس کی عدت کے ختم ہونے پر میکے لے کر جائے تو اس میں حرج نہیں، تاہم اگر اس عمل کو لازمی سمجھا جائے یا اس کا رواج ہو تو ایسا رواج واجب الترک ہوگا، باقی اگر طلاق کی عدت مکمل ہو اور عورت کی ذاتی رہائش گاہ نہ ہو تو اسے شوہر کے گھر سے میکے ہی منتقل ہوجانا چاہیے۔ فقط واللہ اعلم