صدقہ کے جانور کو قربان کرتے وقت دعا

صدقہ کی قربانی کے لیے  مستقل کوئی دعا منقول نہیں ہے، البتہ صدقہ کے جانور کو بھی ذبح کرتے وقت  ’’بسم اللّٰه اللّٰه أكبر‘‘  کہنا ضروری ہے،  نیز جس طرح قربانی کے جانور کو ذبح  کرنے سے پہلے   بعض دعائیں  پڑھنا مستحب ہے، اسی طرح صدقہ کے جانور کو ذبح کرتے وقت بھی ان دعاؤں کو پڑھ لینا چاہیے،اس کا طریقہ یہ ہے کہ :

 جب جانور  کو ذبح کے لیے قبلہ رخ لٹا لیا جائے  تو پہلے درج ذیل  آیت پڑھنا بہتر ہے:

"إِنِّي وَجَّهْتُ وَجْهِيَ لِلَّذِي فَطَرَ السَّمَاوَاتِ وَالْأَرْضَ حَنِيفًا  وَمَا أَنَا مِنَ الْمُشْرِكِينَ، إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ".

اور ذبح کرنے سے پہلے درج ذیل دعا پڑھ لی جائے :

"اللّٰهُمَّ مِنْكَ وَ لَكَ" پھر   ’’بسم اللّٰه اللّٰه أكبر‘‘   کہہ  کر ذبح کردیا جائے۔ فقط واللہ اعلم