عربی میں دعا کرنا افضل اور قبولیت کے زیادہ لائق ہے

عربی میں دعا کرنا ضروری نہیں ہے بلکہ کسی بھی زبان میں دعا کی جا سکتی ہے ،البتہ قرآنی اور مسنون دعاؤں کی جو برکات ہیں وہ حاصل نہیں ہوں گی۔   عربی میں دعا کرنا افضل اور قبولیت کے زیادہ لائق ہے اس لیے کہ عربی زبان اللہ تعالیٰ اور نبی کریم صلی اللہ علیہ وسلم کی محبوب زبان ہے۔ خاص طور پر دعا کے وہ مسنون الفاظ جو نبی کریم صلی اللہ علیہ السلام سے منقول ہیں ان الفاظ کے ساتھ دعا کرنا افضل ہے؛  لہٰذا عربی میں منقول مسنون دعائیں بھی یاد کرنی چاہیے۔

فتاوی شامی میں ہے:

"والله تعالى لايحب غير العربية، و لهذا كان الدعاء بالعربية أقرب إلى الإجابة فلايقع غيرها من الألسن في الرضا و المحبة لها موقع كلام العرب."

(شامی ص :521، ج :1)

فقط واللہ اعلم