فجر وعصر کے بعد قضا نماز پڑھنے کا حکم

فجر کی نماز کے بعد طلوع سے پہلے اور عصر کی نماز کے بعد سورج زرد ہوجانے سے پہلے پہلے سابقہ قضا نمازیں ادا کی جا سکتی ہیں، البتہ اگر ان اوقات میں قضا نماز پڑھنی ہو تو مسجد یا کسی عام جگہ کے بجائے گھر میں یا کسی اور تنہائی کے مقام میں ادا کی جائیں؛ کیوں کہ ان اوقات میں نوافل پڑھنا جائز نہیں، لہذا دیکھنے والے یہی سمجھیں گے کہ قضا نماز ادا کی  جارہی ہے، جب کہ نماز کو قضا کرنا ایک گناہ ہے  اور گناہ کا اظہار بھی شریعت میں پسندیدہ نہیں۔  فقط واللہ اعلم