دل میں آیتِ سجدہ پڑھنے سے سجدے کے واجب ہونے کا حکم

دل میں آیتِ سجدہ پڑھنے سے سجدۂ تلاوت واجب نہیں ہوتا۔ سجدۂ تلاوت اس شخص پر واجب ہوتا ہے جو زبان سے آواز کے ساتھ آیتِ سجدہ پڑھے، چاہے آواز اتنی کم ہو جسے پڑھنے والا خود سن سکے یا کوئی دوسرا اس کے منہ کے قریب کان کرکے تلاوت کی آواز سن سکے۔ حتیٰ کہ اگر کسی نے صرف ہونٹ ہلائے اور اسے خود بھی آیتِ سجدہ کی تلاوت کی آواز نہیں آئی تو اس پر بھی سجدہ واجب نہیں ہوتا۔

الفتاوى الهندية (ج:1، ص:132، ط: دار الفكر):

’’رجل قرأ آية السجدة لايلزمه السجدة بتحريك الشفتين وإنما تجب إذا صحح الحروف وحصل به صوت سمع هو أو غيره إذا قرب أذنه إلى فمه، كذا في فتاوى قاضي خان.‘‘

فقط و الله اعلم