اگر مدرسے میں طلباء نہ رہیں تو مدرسے میں دی جانے والی زکوۃ کا حکم

بصورتِ مسئولہ اگر مذکورہ  مدرسے میں طلبہ نہیں ہیں تو مدرسے کی انتظامیہ زکات  کی مد میں ملنے والی  رقم  کسی دوسرے مدرسے کے مستحق طلبہ کو دے  سکتی ہے، ملحوظ  رہے زکات میں  ملنے والی رقم مدرسے کی کسی ضرورت  (مثلاً تعمیرات کے خرچے، یا اساتذہ کی تنخواہوں وغیرہ)  میں صرف کرنا شرعاً جائز نہیں ہے، البتہ نفلی صدقات کو  مدرسے یا مسجد میں صرف کرنا جائز ہے۔ البتہ اگر زکات دینے والے افراد معلوم و متعین ہوں تو ان کی اجازت سے دوسری جگہ دینا زیادہ بہتر ہوگا۔

فتاوی شامی میں ہے:

"و هذا حيث لم يأمره بالدفع إلى معين؛ إذ لو خالف ففيه قولان حكاهما في القنية. وذكر في البحر أن القواعد تشهد للقول بأنه لايضمن لقولهم: لو نذر التصدق على فلان له أن يتصدق على غيره."

(كتاب الزكوة، ج:2،ص:269، ط:ایچ ایم سعید)

فقط والله اعلم