مرغیاں پالنا اور بیچنا

مرغیاں پالنا اور ان کا کاروبار کرنا جائز ہے، بشرطیکہ ان کی خوراک کا مناسب انتظام کیاجاتاہو، شرعی طور پر اس میں کوئی حرج نہیں۔ نیز ان کی خوراک میں از خود کوئی نجس یا حرام چیز شامل نہ کرے۔

تلاش کے باوجود ہمیں ایسی کوئی روایت نہیں ملی جس میں مرغیاں پالنے کی بنا پر غربت کا ذکر ہو؛ لہٰذا بلاتحقیق یہ روایت بیان کرنا شرعًا درست نہیں ہے۔

الدر المختار وحاشية ابن عابدين (رد المحتار) (6 / 401):

"(قوله: وأما للاستئناس فمباح) قال في المجتبى رامزًا: لا بأس بحبس الطيور والدجاج في بيته، ولكن يعلفها وهو خير من إرسالها في السكك اهـ وفي القنية رامزًا: حبس بلبلًا في القفص وعلفها لايجوز اهـ".

فقط واللہ اعلم