بیوی کو حالتِ نفاس میں میسج پر تین طلاق دینا

واضح رہے کہ بچہ کی پیدائش کے بعد دی جانے والی طلاق بیوی پر واقع ہو جاتی ہے، اسی طرح جو طلاق  گھر والوں کےاصرار کرنے پر دی جائے وہ بھی واقع ہو جاتی ہے، نیز میسج پر طلاق دینے سے بھی طلاق واقع ہو جاتی ہے۔

لہذا  آپ نے اپنی بیوی کو میسج پر تین مرتبہ لکھ کر طلاق دی ہے وہ تینوں طلاقیں آپ کی بیوی پر واقع ہوگئی ہیں، نکاح ختم ہو گیا ہے، دونوں کا ساتھ رہنا جائز نہیں اور اب رجوع یا تجدیدِ نکاح کی اجازت نہیں ہے، عدت گزرنے کے بعد عورت دوسری جگہ نکاح کرنے میں آزاد ہوگی۔ فقط واللہ اعلم