تجدیدِ نکاح سے کیا مراد ہے؟

تجدید نکاح کا مطلب اپنی منکوحہ سے دوبارہ نکاح کرنا،اس کا طریقہ وہی ہے جو عام نکاح کا ہوتاہے کہ مرد اور عورت  دو  مسلمان مرد (یا ایک مرد اور دوعورت) گواہوں کی موجودگی میں ایجاب و قبول  کیا جائے۔

عام طور پر تجدید نکاح کی ضرورت تب پڑتی ہے جب میاں بیوی میں سے کوئی نعوذ باللہ کلماتِ  کفر کہہ دے یا شرکیہ اعمال کر لے جس کی وجہ سے اس کے ایمان کی بھی تجدید کی جاتی ہے اور اس کے بعد نکاح کی تجدید بھی ضروری ہوتی ہے۔ اسی طرح اگر شوہرایک یا دو طلاق دے جس سے نکاح ٹوٹ جائے اورپھر دونوں ساتھ رہنا چاہیں تو بھی تجدید نکاح کیاجاتا ہے،  مگر اس صورت میں مہر مقرر کرنا بھی ضروری ہے۔ فقط واللہ اعلم