ملازم کا مالی حق ادا کرنے کے لیے شعبۂ مالیات کی جانب سے رقم کا مطالبہ کرنا رشوت ہے

صورتِ مسئولہ میں کسی ادارے کا اکاؤنٹ ڈیپارٹمنٹ ( شعبہ مالیات) اپنے ادارے کے ضابطہ کا پابند ہوتا ہے، اور اس شعبہ سے وابستہ افراد پر شرعًا و اخلاقًا لازم ہوتا ہے کہ ادارے کی جانب سے وضع کردہ اصول و ضوابط کی خلاف ورزی نہ کرے، لہذا  صورتِ مسئولہ میں ملازم کی ذاتی رقم ادا کرنے کے لیے خلافِ ضابطہ رقم کا مطالبہ کرنا رشوت ہے، جس کا لینا اور دینا دونوں حرام ہیں، لہذا سائل کو چاہیے کہ ایسے افراد کی نشان دہی کرے اور ادارے کے ذمہ داران  کو آگاہ کرکے قرار واقعی سزا دلوائے، تاکہ دیگر افراد بھی ایسے افراد کے شر سے محفوظ رہیں۔ فقط واللہ اعلم