کیا انابیہ اور مومنہ نام رکھ سکتے ہیں؟

”انابیہ“  ”اَناب“  (ہمزہ  کے  فتحہ  کے  ساتھ ) سے اسمِ منسوب موٴنث  ہے جس کے معنی ہیں:  مشک، یا مشک  کی  مانند ایک خاص قسم کی خوش بو۔

ففي المعجم الوسیط: "الأناب: المسك أو عطر یشبهه".

(ص۲۸،الأنب، ط: دیوبند، وکذا في القاموس الوحید،ص: ۱۳۷، ط: دار اشاعت)

اور ’’مومنہ‘‘ "آمن یؤمن إیمانً"ا، بابِ افعال سے اسمِ فاعل مؤنث ہے جس کا معنی ہے :  " ایمان لانے والی" ۔

لہذا ان دونوں میں سے کوئی بھی نام رکھا جاسکتا ہے۔ فقط واللہ اعلم