ایک بیوہ، ماں، باپ اور چار بیٹیوں میں ترکہ کی تقسیم

بصورتِ مسئولہ مرحوم کے ترکہ کو تقسیم کرنے کا شرعی طریقہ یہ ہے کہ سب سے پہلے  حقوقِ متقدمہ یعنی تجہیز و تکفین کا خرچہ نکالنے کے بعد اگر مرحوم پر  کسی کا قرضہ ہو تو اسے ادا کرنے کے بعد اور اگر مرحوم نے کوئی جائز وصیت کی ہو تو اسے  باقی ترکہ کے ایک تہائی  حصہ میں سے نافذ کرنے کے بعد باقی ترکہ منقولہ و غیرمنقولہ  کو 27 حصوں میں تقسیم کرکے اس کی بیوہ کو 3 حصے، اس کے والد کو 4 حصے، اس کی والدہ کو 4 حصے اور اس کی ہر ایک بیٹی کو 4 حصے ملیں گے۔

یعنی دولاکھ روپے میں سے مرحوم کی بیوہ کو 22,222.22 روپے (یعنی بائیس ہزار، دو سو بائیس روپے بائیس پیسے)، اس کے والد کو29,629.62   روپے (انتیس ہزار چھ سو انتیس روپے باسٹھ پیسے)، اس کی والدہ کو 29,629.62   روپے (انتیس ہزار چھ سو انتیس روپے باسٹھ پیسے)، اور اس کی ہرا یک بیٹی کو 29,629.62   روپے (انتیس ہزار چھ سو انتیس روپے باسٹھ پیسے)  ملیں گے۔ فقط واللہ اعلم