والد کی زندگی میں بیٹی کا انتقال ہونے کی صورت میں اس کے بچوں کا نانا کی میراث میں سے حصہ

سوال میں جو تفصیل ذکر کی گئی ہے بظاہر اس میں "تین بیٹے تھے" سے مراد  باباجی کی بیٹی  کے تین بیٹے ہیں، اس صورت میں مرحوم بابا کے ورثاء کی تفصیل بتانا ضروری ہوگا کہ ان کی اور کون کون اولاد ہے، اولاد نہ ہو تو بھائی، ان کے بیٹے، چاچا وغیرہ  اس سب کی تفصیل بتاکر دوبارہ سوال پوچھ سکتے ہیں۔ 

اور اگر اس میں ’’تین بیٹے تھے‘‘ کا مطلب یہ  کہ مذکورہ شخص (باباجی) کے تین بیٹے تھے تو اس صورت میں بیٹی کا انتقال اپنے والد کی زندگی میں ہونے کی وجہ سے اس کا وراثت میں حق و حصہ نہیں ہوگا،  اور  باباجی کے انتقال کے بعد اس کے ترکے میں سے نواسوں اور نواسیوں کو حصہ نہیں ملے گا۔ فقط واللہ اعلم