ایک رکعت وترنماز پڑھنے کا طریقہ

واضح رہے کہ دلائل کی روشنی میں نمازِ وتر کی تین رکعات ہیں، اور حنفیہ کے نزدیک یہی راجح ہے، ایک رکعت مستقل طور پر کوئی نماز نہیں ہے، نہ فرائض میں، نہ سنن و نوافل میں، نہ دن میں نہ ہی رات میں، جن روایات میں ایک رکعت کے ذریعے نماز کو وتر (طاق) بنانے کا ذکر ہے، اس کی توجیہات اور دیگر تفصیلات شروحِ حدیث میں مذکور ہیں، یہاں اس کا موقع نہیں ہے، لہٰذا وتر کی تین رکعات ایک سلام کے ساتھ ہی ادا کرنی چاہییں۔ فقط واللہ اعلم