روٹی کا خراب حصہ الگ کرتے ہوئے اگر صحیح حصہ بھی اس کے ساتھ الگ ہوجائےتو کیا کریں؟

روٹی کے کچے یا جلے ہوئے حصے کو صحیح روٹی سے توڑتے ہوئے پوری کوشش کی جائے کہ روٹی کاصحیح حصہ اس کے ساتھ نہ ٹوٹے،  کوشش کے باوجود اگر کچھ صحیح روٹی  بھی خراب روٹی کے ساتھ  شامل ہوجاتی  ہے تو اسے کچرے میں پھینکنے سے احتراز کریں، کسی جانور وغیرہ کی خوراک میں  استعمال کرلیں یا سوکھی روٹی خریدنے والے کو بیچ دیں، ایسی جگہ ڈال دیں جہاں گندگی نہ ہو، تاکہ پرندے یا حشرات الارض اسے خود ہی کھالیں۔ فقط واللہ اعلم