شوہر کے مال میں بیوہ کا حصہ

شوہر  کے ترکہ میں  بیوہ کا حصہ قرآن کریم نے متعین کردیا ہے، شوہر جتنا مال چھوڑ کر فوت ہوجائے اس میں  سے اس کی بیوہ کو حصہ ضرور ملے گا، اگر ورثاء میں مرحوم کی اولاد بھی موجود ہوں تو بیوہ کو کل مال کا آٹھواں حصہ ملے گا اور اگر مرحوم  کی اولاد موجود نہ ہوں تو بیوہ کو کل مال کا چوتھا حصہ ملے گا۔

صورتِ مسئولہ میں اگر مرحوم کے ترکہ پر شرعی گواہ یعنی دو مرد یا ایک مرد ، دو عورتیں موجود ہوں   یا کسی دوسرے  ذریعہ سے مرحوم کا ترکہ ہونا ثابت ہوجائے تو اس میں بیوہ کو  اس کا شرعی حصہ ملے گا۔

قرآن کریم میں ہے:

وَلَهُنَّ الرُّبُعُ مِمَّا تَرَكْتُمْ إِن لَّمْ يَكُن لَّكُمْ وَلَدٌ فَإِن كَانَ لَكُمْ وَلَدٌ فَلَهُنَّ الثُّمُنُ مِمَّا تَرَكْتُم مِّن بَعْدِ وَصِيَّةٍ تُوصُونَ بِهَا أَوْ دَيْنٍ الآية [النساء :12]

فقط و الله أعلم