مسجد کا جنریٹر خریدنے کے لیے زکاۃ کی رقم استعمال کرنا

زکات اور صدقاتِ واجبہ (مثلاً: نذر، کفارہ، فدیہ اور صدقہ فطر) ادا ہونے کے لیے یہ ضروری ہے کہ  اسے کسی مسلمان مستحقِ زکاۃ  شخص کو  بغیر عوض کے مالک بناکر دیا جائے، لہٰذا مسجد کی ضروریات مثلاً جنریٹر وغیرہ خریدنے کی مد میں  زکاۃ کی رقم استعمال نہیں کی جاسکتی؛ کیوں کہ اس میں تملیک نہیں پائی جاتی۔ البتہ نفلی صدقات اور عطیات  مسجد کی ضروریات کی  مد میں دیے جاسکتے ہیں۔ نیز مسجد کے اخراجات کے لیے اہلِ محلہ کو اپنی سعادت سمجھتے ہوئے اپنے پاکیزہ ما ل کو استعمال کرنا چاہیے۔

"فتاوی عالمگیری"  میں ہے:

"لايجوز أن يبنی بالزكاة المسجد، وكذا القناطر والسقايات، وإصلاح الطرقات، وكري الأنهار والحج والجهاد، وكل ما لا تمليك فيه، ولايجوز أن يكفن بها ميت، ولايقضى بها دين الميت، كذا في التبيين".   (1/ 188، كتاب الزكاة، الباب السابع في المصارف، ط: رشیدیة)

  فقط والله أعلم