نو مسلم کو تعلیم دینے پر فیس لینا
سوال
میں ابھی مسلمان ہوا ہوں، میں نے امام صاحب سے کہا کہ مجھے اسلامک تعلیم دیں، کہنے لگے کل جواب دوں گا۔ پھر انہوں نے ایک پیکج بنا کے دیا، تین دن کی کلاس کے چھے ڈالر لگیں گے، اضافی کلاس کے لیے زیادہ، کیا یہ پیسے لینا جائز ہے؟
جواب
صورتِ مسئولہ میں امام صاحب اگرچہ اپنے وقت کی فیس لے سکتے ہیں، لیکن اگر کوئی مجبوری نہ ہو تو اپنے نو مسلم بھائی کے ساتھ ہم دردی اور خیر خواہی کا جذبہ رکھتے ہوئے ضروری دینی تعلیم کا سلسلہ بلا معاوضہ قائم کرنا چاہیے۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144201200077
تاریخ21-08-2020
