پاک قطر فیملی تکافل سے متعلق جامعہ کا موقف

  جمہور علماءِ کرام کے نزدیک  کسی بھی قسم کی  بیمہ (انشورنس) پالیسی  سود اور قمار (جوا) کا مرکب  ومجموعہ ہونے کی وجہ سے ناجائز اور حرام ہے، اور  مروجہ انشورنس کے متبادل کے طور پر  بعض ادارے   ”  تکافل“ کے عنوان سے جو نظام  چلارہے ہیں، وہ بھی ناجائز ہے؛ اس لیے پاک قطر فیملی  تکافل یا اس  جیسی جتنی  بھی تکافل  کرنے والے ادارے ہیں،  ان سے   ان سے تکافل کرانا ،پالیسی لینا ،اور رقم جمع کرانے سے اجتناب لازم ہے، اور جس   فتوی کا آپ نےذکر کیا وہ ہمارے جامعہ کا  فتوی ہے اور  اور اب بھی تکافل سے متعلق  یہی فتویٰ ہے۔

تفصیل کے لیے درج ذیل لنک پر جامعہ کا فتویٰ ملاحظہ فرمائیں:

تکافل ماڈل اور اس کی شرعی خرابیاں 

نیز اس مسئلہ کی مزید  تفصیل کے لیے    ”مروجہ تکافل اور شرعی وقف‘‘  اور  ”مروجہ تکافل کا فقہی جائزہ“  نامی کتابوں کا مطالعہ مفید رہے گا۔ فقط واللہ اعلم