فرض نماز کے بعد جہری دعا مانگنے کا حکم

دعا کے آداب میں سے یہ ہے کہ دعا ہلکی آواز میں مانگی جائے، تاہم اگر اجتماعی دعا مانگی جا رہی ہو تو  سب لوگوں کو دعا میں شامل کرنے کی غرض سے امام اگر کچھ بلند آواز سے بھی دعا مانگ لے تو  اس کی اجازت ہے۔رسول اللہ ﷺ سے بعض مواقع پر بلند آواز سے دعا مانگنا ثابت ہے، لہٰذا عیدین وغیرہ کے اجتماع میں یا کبھی بوقتِ ضرورت بلند آواز سے دعا کرنے کی اجازت ہے۔ البتہ ہمیشہ بلند آواز سے دعا کا معمول نہیں بنانا چاہیے؛ کیوں کہ افضل دعا آہستہ آواز سے ہے۔ فقط واللہ اعلم