گندم کی کٹائی سے ایک مہینہ پہلے قرض لے کر گندم کی فصل کٹائی کے بعد قرض خواہ کو دینا

صورتِ  مسئولہ میں اگر  رقم  ایک مہینہ کے لیے قرض لے کر ، اس کی ادائیگی گندم کے ذریعے کی جائے  تو جس دن قرض ادا کیا جارہا ہے اس دن  اتنی رقم کی مارکیٹ ویلیو کے مطابق گندم دی جائے تو  یہ جائز ہے، اور اگر  قرض دینے کی صورت میں یہ  وعدہ ہو کہ ایک مہینہ کے بعد جو گندم کی فصل تیار ہوگی وہ آپ کو فروخت کروں گا، تو اس صورت میں قرض دینے والے کا اس گندم کو مارکیٹ ویلیو کے حساب سے خریدنا جائز ہوگا،  لیکن  دونوں صورتوں میں مارکیٹ ویلیو سے کم میں گندم کی خرید وفروخت جائز نہیں  ہوگی، اس لیے  کہ یہ قرض کی  وجہ سے نفع لیا جارہا ہے، اور قرض پر مشروط لینا شرعًا سود ہے، اس لیے جائز نہیں ہے۔

فتاوی شامی میں ہے:

"وفي الحاوي: سئل محمد بن سلمة عن أجرة السمسار، فقال: أرجو أنه لا بأس به و إن كان في الأصل فاسدًا؛ لكثرة التعامل، و كثير من هذا غير جائز، فجوزوه لحاجة الناس إليه كدخول الحمام."

(6/63،مطلب فی اجرۃ الدلال، کتاب الاجارۃ، ط؛سعید)

         وفیہ ایضا:

"و في الخانية: رجل استقرض دراهم وأسكن المقرض في داره، قالوا: يجب أجر المثل على المقرض؛ لأن المستقرض إنما أسكنه في داره عوضا عن منفعة القرض لا مجانًا."

(6/63،مطلب أسكن المقرض في داره يجب أجر المثل ، کتاب الاجارۃ، ط؛سعید)

 وفیہ ایضا:

"و في الأشباه: كلّ قرض جرّ نفعًا حرام؛ فكره للمرتهن سكنى المرهونة بإذن الراهن."

(5/166، مطلب کل قرض جر نفعًا، ط؛ سعید)

فقط واللہ اعلم