سودی یا مروجہ غیر سودی بینکوں سے قرض پر گھر لینا

واضح رہے کہ  ملک کے اکثر جید اور مقتدر مفتیانِ کرام  کی رائے یہ ہے کہ  مروجہ غیر سودی بینکوں کا طریقہ کار شرعی اصولوں کے مطابق نہیں ہے،  اور مروجہ غیر سودی بینک اور  روایتی بینک کےبہت سے  معاملات درحقیقت ایک جیسے ہیں، لہذا روایتی بینکوں کی طرح ان سے بھی  تمویلی معاملات کرنا جائز نہیں ہے ، لہذا روایتی بینک یا مروجہ نام نہاد اسلامی بینکوں سے قرض پر گھر لینے کا معاملہ کرنا شرعا جائز نہیں ہے( تفصیلی معلومات کے لیے  ’’مروجہ اسلامی بینکاری‘‘ نامی کتاب کا مطالعہ مفید رہے گا)۔فقط واللہ اعلم