جانور ذبح کرتے وقت دعا بھول گیا البتہ تکبیر کہہ لی تو کیا حکم ہے؟

صورتِ مسئولہ میں مذکورہ جانور جس میں قربانی اور عقیقہ دونوں کے حصے تھے، اس کو  اگر  ذبح کرتے وقت تکبیر پڑھ لی  تھی تو  یہ جانور حلال ہوگیا اور اس سے  قربانی اور عقیقہ دونوں ادا ہوگئے، جانور ذبح کرتے وقت دعائیں پڑھنا مستحب ہے، ان کے نہ پڑھنے سے قربانی پر کوئی اثر نہیں آتا۔ البتہ کوئی مسلمان قصداً تکبیر چھوڑدے تو جانور حلال نہیں ہوتا۔ فقط واللہ اعلم