آڈٹ فرم میں جاب کرنا

بصورتِ مسئولہ اگر مذکورہ آڈٹ فرم کا اکثر کام بینک یا دیگر سودی اداروں کا آڈٹ نہیں ہے، نیز اس کے اکثر ذرائع آمدن حلال ہیں تو اس آڈٹ فرم میں نوکری کرنا اور تنخواہ لینا جائز ہوگا۔ البتہ بینک کا آڈٹ کرنا ناجائز کام میں تعاون ہے؛ اس لیے بینک کاآڈٹ  کرنا ناجائز ہے، اس کے علاوہ جن اداروں میں سودی یا ناجائز معاملات نہ ہو، ان کا آڈٹ کرنا جائز ہے۔

امدادالفتاویٰ میں ہے:

’’جن کی آمدنی بالکل حرام خالص ہے جیسے مے فروش یا سود خوروغیرہ ان کی نوکری کرنا ناجائز ہے اور جو تنخواہ اس میں سے ملتی ہو وہ حلال نہیں ہے ‘‘۔ (امدادالفتاویٰ ۔ج:3،ص:377) فقط واللہ اعلم