رات میں جھاڑو لگانا، کنگھی کرنا اور شیشہ دیکھنا کیسا ہے؟

1.جھاڑو لگانا دن میں بھی جائز ہے اورشام یا رات میں بھی جائز ہے، چوبیس (۲۴) گھنٹے میں سے کسی بھی وقت جھاڑو لگانے کی کوئی ممانعت شریعتِ مطہرہ کی رو سے ثابت نہیں ہے، اور نہ ہی کسی خاص وقت میں جھاڑو لگانے سے کسی قسم کے نقصان کا اندیشہ یا وہم رکھنا درست ہے، نیز شام یا رات کے اوقات میں کنگھی کرنایا آئینہ دیکھنابھی جائز ہے ،  شرعاً کوئی ممانعت نہیں۔ اس طرح کے جتنے وہم عوام کے درمیان مشہور ہیں، ان کی کوئی اصل نہیں ہے۔

-اغلاط العوام ، ص:102،ط:ادارۃ المعارف کراچی۔

-امدادالفتاویٰ، مسائل شتی ، جلد چہارم ، ص:370۔ط:مکتبہ دارالعلوم کراچی۔فقط واللہ اعلم