100اینٹوں کی قرض کی ادائیگی کی صورت
سوال
کسی سے100 اینٹیں قرض لیں، سال بھر بعد وہ ادا کر رہا ہے رقم کی صورت میں، کیا وہ سال بھر پہلے والی قیمت ادا کرے گا یا موجودہ قیمت ادا کرے گا؟
جواب
مذکورہ صورت میں پہلے شخص نے دوسرے شخص کو اینٹوں کی صورت میں قرض دیاہے، لہذا قرض کی ادائیگی کے وقت قرض دینے والے کا حق ایک سو اینٹیں ہی واپس لینے کا ہے، یعنی اینٹوں ہی کی صورت میں مقروض اپنا قرض اداکرے۔ البتہ اگر قیمت کے اعتبار سے وہ قرض ادا کررہا ہو تو اس صورت میں ان اینٹوں کی موجودہ قیمت (یعنی قرض کی ادائیگی کے دن جو قیمت بنتی ہوگی) کااعتبار ہوگا؛ لہذا قرض کی وصولی کے وقت مارکیٹ میں اس معیار کی اتنی اینٹوں (مثلاً ایک سو اینٹوں )کے جو ریٹ ہوں گے وہ اداکرنے ہوں گے۔
"تنقیح الفتاوى الحامدیة" میں ہے:
"الدیون تقضیٰ بأمثالها".
(کتاب البیوع، باب القرض، ج؛۱ ؍ ۵۰۰ ، ط:قدیمی)
فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
