صحیح طرح استنجا کرنے کے بعد ہاتھ کپڑوں پر لگانے سے کپڑے ناپاک نہیں ہوتے

واضح رہے کہ استنجا کرنے کے بعد جب استنجا کی جگہ پاک ہوجاتی ہے تو ہاتھ بھی پاک ہوجاتے ہیں؛ لہذا صورتِ مسئولہ میں جب ہاتھ پاک ہیں، تو کپڑے بھی پاک ہیں۔

البتہ استنجا کے بعد اگر ہاتھ پر نجاست کی بدبو باقی ہو تو بدبو زائل کرنے کی حتی الامکان کوشش کی جائے، بصورتِ دیگر اگر نجاست کی بدبو اتنی شدید ہو کہ جس کپڑے پر ہاتھ لگے تو وہ بھی بدبو دار ہوجائے تو وہ پاک نہیں سمجھا جائے گا۔

الدر المختار وحاشية ابن عابدين (رد المحتار) (1 / 345):

"ومع طهارة المغسول تطهر اليد؛ ويشترط إزالة الرائحة عنها وعن المخرج إلا إذا عجز، والناس عنه غافلون".

فقط و الله أعلم