ایک بالشت سے کم برص کے نشانات والے جانور کی قربانی کا حکم

فقہاء کرام نے لکھا ہے کہ قربانی کے جانور میں ضروری ہے کہ وہ نقائص سے پاک ہو یعنی ایسے جانور کی قربانی کرنا درست نہیں ہے جس جانور میں کوئی فحش نقص ہو،  پس اگر کسی جانور میں کوئی ایسا عیب ہو مثلاً وہ اندھا ہو یا لنگڑا  ہو  تو ایسے جانور کی قربانی درست نہ ہو گی،  لیکن اگر جانور میں ایسا کوئی عیب نہ ہو،  بلکہ جسم پر کچھ نشانات ہوں، وہ بھی ایک بالشت سے کم ہوں، اور اس کی وجہ سے اس کی صحت پر کوئی اثر نہ پڑتا ہو تو ایسے جانور کی قربانی درست ہو گی۔

الفتاوى الهندية (5/ 297):

"(وأما صفته): فهو أن يكون سليمًا من العيوب الفاحشة."

فقط واللہ اعلم