مسجد کی دکان کا کرایہ کسی محتاج کو دینے کا حکم
سوال
مسجد کی دکان کے کرائے کو کسی محتاج پر خرچ کرنا جائز ہے؟
جواب
مسجد کی مملوکہ دکان کا کرایہ صرف مسجد کی ضروریات پر ہی خرچ کرنا لازم ہے، مسجد کی دکان کا کرایہ مسجد کے مصالح سے صرف نظر کرتے ہوئے کسی غریب یا محتاج کو دینا جائز نہیں ہے؛ کیوں کہ ایسا کرنا واقف کی غرض کے خلاف ہے۔
الدر المختار وحاشية ابن عابدين (رد المحتار) (4/ 433):
"قولهم: شرط الواقف كنص الشارع أي في المفهوم والدلالة".
فقط و الله أعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144111201152
تاریخ11-07-2020
