ایک دو انمول نامی کتابچہ

دعاؤں کی حقیقی اور یقینی قبولیت کا تعلق اللہ تعالی کی ذات سے ہے، البتہ بعض مواقع کی مناسبت سے رسول اللہ ﷺ   سے مسنون اوراد اور وظائف بھی منقول ہیں، جن کے پڑھنےمیں ثواب بھی ہے، اور بے شمار فوائد بھی ہیں، اس لیے مسنون اذکار پر مشتمل ایسے کسی بھی مستند دعائیہ مجموعہ کا پڑھنا درست ہے جو اصول و آداب کی رعایت کے ساتھ مرتب کیا گیا ہو۔

مذکورمجموعہ (دوانمول خزانے)  میں جو اذکار اور دعائیں مستند حوالوں سے نقل کی گئی ہیں، ان کا پڑھنا جائز ہے،رہی بات مشکلات کے خاتمے کی، تو اس کا تعلق  اللہ تعالیٰ  کی مشیت  سے ہوتا ہے، اگر اللہ تعالیٰ چاہیں گے تو مشکلات دور فرمائیں گے، اور اگر نہ چاہیں تو مشکلات برقرار رہ سکتی ہیں،البتہ مومن کا یقین ہونا چاہیے کہ اس کی دعا رائے گان نہیں جاتی،اور دعا کی قبولیت کے شرائط اور صورتیں بھی معلوم ہونی چاہییں، ان کی رعایت کے ساتھ دعا کی جائے تو وہ ان شاء اللہ ضرور قبول ہوگی، گو قبولیت کی وہ صورت دعا کرنے والے کو اس وقت سمجھ نہ آئے۔ فقط واللہ اعلم