اسمگلنگ کے سامان کا کاروبار کرنا

ناجائز  اشیاء  کی اسمگلنگ ناجائز  اورجائز کی فی نفسہ جائز ہے،  لیکن جب عوام الناس کے مفاد  کی خاطر حکومتی سطح پر جائز اشیاء  کی اسمگلنگ ممنوع ہو تو  اس سے اجتناب  ضروری ہے؛ کیوں کہ کسی بھی ریاست میں رہنے والا شخص اس ریاست میں رائج قوانین پر عمل درآمد  کا (خاموش)   معاہدہ کرتاہے، اور جائز امور میں معاہدہ کرنے کے بعد اسے پورا کرنا دیانتًا ضروری ہوتاہے؛  اس طرح کے جائز امور  سے متعلق قانون کی خلاف ورزی گویا معاہدہ کی خلاف ورزی ہے، اور معاہدے کی خلاف ورزی سے شریعت نے منع کیا ہے۔ نیز قانون شکنی کی صورت میں  مال اور عزت کا خطرہ رہتا ہے، اور پکڑے جانے کی صورت میں مالی نقصان کے ساتھ ساتھ سزا ملنے کا بھی اندیشہ ہوتا ہے،  اور اپنے آپ کو ذلت  کے مواقع سے بچانا شرعاً ضروری ہے؛ لہذا اس طرح باڈر وغیرہ سے اشیاء  کی اسمگلنگ سے اجتناب کرنا چاہیے۔ البتہ  جائز اشیاء   کی اسمگلنگ سے جو  نفع  حاصل  ہو گا ، وہ حرام نہیں ہو گا، اور اسمگل شدہ ان چیزوں کی خرید و فروخت بازاروں میں پہنچنے کے بعد بھی  ممنوع ہو تو اس کا حکم بھی مذکورہ تفصیل کے مطابق ہوگا۔فقط واللہ اعلم