سوتیلے بھائی کی رضاعی بہن/ سوتیلی ماں کی رضاعی بیٹی سے نکاح
سوال
میری چچی کی لڑکی نے میری سوتیلی ماں کا دودھ پیا ہے۔ اس کے ساتھ ساتھ میری چچی نے بھی میرے سوتیلے بھائی کو دودھ پلایا ہے۔ کیا میں اس لڑکی سے شادی کر سکتا ہوں؟
جواب
صورتِ مسئولہ میں آپ کا آپ کی چچازاد بہن کے ساتھ رضاعت کا رشتہ ثابت نہیں ہوا ہے؛ لہذا آپ کا اس سے نکاح کرنا جائز ہے۔
الدر المختار وحاشية ابن عابدين (رد المحتار) (3 / 217):
"(وتحل أخت أخيه رضاعًا)".
فقط و الله أعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144111200395
تاریخ28-06-2020
