قسمت اللہ نام رکھنا

"قِسمت اللہ"  کے معنی ہیں: اللہ کی تقسیم، عربی زبان میں لفظ "قسمة" کے مختلف تلفظ ہوسکتے ہیں، "قِسْمَة" تلفظ ہو تو اس کا ایک معنٰی وہی ہے جو ذکر کیا گیا، اس اعتبار سے یہ نام رکھ سکتے ہیں۔ البتہ بہتر یہ ہے کہ ایسے نام نہ رکھے جائیں جن میں کسی بھی وجہ سے اشتباہ ہو، عربی میں ہی اس کے دیگر تلفظ کے اعتبار سے یہ نام رکھنا مناسب نہیں ہوگا، اور اگر یہی تلفظ  (قِسْمَة) اختیار کیا جائے تو بھی ہمارے عرف اور اردو زبان میں "قسمت" بمعنٰی "نصیب" استعمال ہوتاہے، جو عربی میں بھی اس کا ایک معنٰی ہے، اس لیے یہ نام رکھنا مناسب نہیں ہے۔ اس کے بجائے ایسا نام رکھا جائے جس کا معنٰی بھی اچھا ہو، اور اس میں کسی غلط یا مشتبہ معنٰی کا احتمال نہ ہو، سب سے بہتر یہ ہے کہ کسی نبی علیہ السلام یا رسول اللہ ﷺ کے کسی قریبی صحابی رضی اللہ عنہ کے نام پر نام رکھ لیا جائے۔ فقط واللہ اعلم