ذبح کے بعد گائے کے پیٹ میں بچے کا حکم

اگر کسی جانور  کی قربانی کی جائے اور ذبح کے بعد اس کے پیٹ سے بچہ نکل آئے  اگر بچہ زندہ ہو اس کو بھی ذبح کیا جائے گا اور گائے اور اس بچے کا کھانا حلال ہوگا اور اگر بچہ مردہ ہو تو اس کا کھانا حلال نہیں ہو گا، اس کا کھانا حرام ہو گا۔

اور اگر گائے قربانی کی نہیں ہے، ویسے ہی گوشت کے لیے ذبح کی گئی تو اس کے پیٹ سے زندہ بچہ نکلنے کی صورت میں اسے ذبح کرنا ضروری نہیں ہے، اسے پال پوس کر بڑا ہونے کے بعد فروخت کرنا یا ذبح کرنا یا قربانی کرنا جائز ہوگا۔فقط واللہ اعلم