نان کسٹم گاڑیوں کی خرید وفروخت

نان کسٹم گاڑیوں کا   کاروبار فی نفسہ جائز اور اس سے حاصل شدہ آمدنی حلال ہے، تاہم اس میں رشوت دینا اور جھوٹ بولنا جائز نہیں۔ اور خطرے میں پڑنا شرعاً پسندیدہ نہیں ہے۔

 امداد الفتاوی ( جدید مطول حاشیہ شبیر احمد القاسمی) (جلد 9 صفحہ نمبر: 135) میں ہے:

’’سوال (۲۴۹۶) :  قدیم  ۴/ ۱۵۲-   زید انکم ٹیکس ادا کرنے کی حیثیت رکھتا ہے، تاہم معافی کے خیال سے اپنے مالِ تجارت کو تشخیص کنندہ ٹیکس سے چھپا کر اپنے کو ناقابل ثابت کرتا ہے، آیا یہ فعل زید کا ازروئے شرع شریف کیسا ہے؟ بینوا توجروا۔

الجواب: گناہ تو نہیں ؛ لیکن خطرہ میں پڑنا بھی شرعاً پسند نہیں ۔                                         ۱۸؍ ربیع الاول ۱۳۳۱ھ(حوادث اول ص ۱۶)‘‘.

فقط واللہ اعلم