شوہر، ایک بیٹے اور 2 بیٹیوں میں وراثت کی تقسیم

صورتِ مسئولہ میں مرحومہ کی میراث کی تقسیم کا شرعی طریقہ یہ ہے کہ مرحومہ کے حقوق متقدمہ یعنی تجہیز و تکفین کا خرچہ نکالنے کے بعد ، اگر مرحومہ کے ذمہ کوئی قرض ہو اسے ادا کرنے کے بعد، اگر مرحومہ نے کوئی جائز وصیت کی ہو تو اسے ایک تہائی ترکہ میں سے نافذ کرنے کے بعد، باقی کل جائیداد منقولہ و غیر منقولہ کو /16 حصوں میں تقسیم کرکے مرحومہ کے شوہر کو /4 حصے ، بیٹے کو /6 حصے اور ہر ایک بیٹی کو /3 حصے ملیں گے۔

یعنی فی صد کے اعتبار سےشوہر کو 25.00٪ ، بیٹے کو 37.50٪ اور ہر ایک بیٹی کو 18.75٪ ملیں گے۔

واضح رہے کہ یہ تقسیم اس صورت میں ہے جب کہ مرحومہ کے والدین حیات نہ ہوں، اگر والدین حیات ہوں تو تقسیم مختلف ہو گی۔ فقط و اللہ اعلم