ریح کے مریض کا اعتکاف میں بیٹھنا

جس شخص کو ریح کے خارج ہونے کا عارضہ لاحق ہو اس کا اعتکاف میں بیٹھنا شرعاً جائز ہے، البتہ اس میں تفصیل ہےوہ یہ کہ مسجد میں ریح خارج کرنے میں اختلاف ہے، بعض نے کہا ہے کہ مسجد میں خارج کرنے میں مضائقہ نہیں، اور بعض نے کہا ہے کہ جب ضرورت ہو تو مسجد سے باہر چلا جائےجیسا کہ پیشاب، پاخانہ کے واسطے جاتا ہے، اس لیے ریح خارج کرنےکے لیے بھی مسجد سے باہر جانا معتکف کے لیے جائز ہے اور جب دونوں طرف گنجائش ہےتو حسبِ موقع دونوں قولوں پر عمل کی گنجائش ہے، یعنی جب مسجد میں ریح خارج کرنے سے لوگوں کو ایذا کا احتمال ہو تو باہر چلا جائے اور جب بار بار جانے سے دقت ہو تو باہر نہ جانا بھی جائز ہے، اس طرح دونوں روایتیں جمع بھی ہو جائیں گی۔(امداد الاحکام جلد۲)

الفتاوى الهندية (5/ 321):
"واختلف في الذي يفسو في المسجد، فلم ير بعضهم بأسًا، وبعضهم قالوا: لايفسو ويخرج إذا احتاج إليه وهو الأصح، كذا في التمرتاشي". فقط واللہ اعلم