صاع کی مقدار کیا ہے؟

صاع کی مقدار معلوم کرنے کے مختلف طریقے ہیں، مثقال کے ذریعہ حساب کر کے بھی اس کی مقدار معلوم کی جا سکتی ہے، دراہم کے ذریعہ بھی اور مد کے ذریعہ بھی۔ 

مثقال کے حساب سے  ایک صاع دو سو ستر تولہ بنتا ہے، دراہم کے حساب سے دو سو تہتر تولہ  اور مد کے حساب سے دو سو اسی تولہ چھ ماشہ بنتا ہے اور احتیاط چوں کہ آخری والے حساب میں ہے؛ اس لیے اسی کو لینا زیادہ بہتر ہے۔ (اوزان شرعیہ) 

پھر جدید اوزان کے اعتبار سے ایک صاع تین کلو، ایک سو انچاس گرام، دوسو اسی ملی گرام  بنتا ہے، لہذا اگر ایک کلو گندم چالیس روپے کی ہے تو ایک صاع گندم  کی مالیت 125 روپے 98 پیسے بنے گی۔

مفتاح الاوزان میں ہے:

’’صاع: تین کلو، ایک سو انچاس گرام، دوسو اسی ملی گرام (۳ کلو، ۱۴۹ گرام، ۲۸۰ ملی گرام)‘‘۔

فقط واللہ اعلم