بہن کا بچہ گود لینا

بھائی اپنی سگی بہن کا بچہ گود لے سکتا ہے، البتہ اس بچہ کو شرعًا  اپنا نام نہیں دے سکتا، بچہ کی نسبت و ولدیت اصل والدین کی طرف کرنا ضروری ہوگا۔ اور گود لینے والے کی بیوی اس منہ بولے بچے کے لیے غیر محرم ہوگی، البتہ اگر گود لینے والے کی بیوی یا اس کی بہن بچے کو مدتِ رضاعت کے دوران دودھ پلادے تو وہ اس کی رضاعی والدہ یا رضاعی خالہ بن جائے، پھر پردے کا حکم نہیں ہوگا۔ نیز بہرصورت یہ بچہ گود لینے والا کا وارث یا مورث نہیں ہوگا۔ فقط واللہ اعلم