غریب بھائی کو زکوٰۃ دینا

بھائی اگر مستحقِ زکوٰۃ  ہو (یعنی اس کے پاس ساڑھے باون تولہ چاندی یا اس کی قیمت کے برابر ضرورت سے زیادہ سامان نہ ہو اور وہ سید/ہاشمی نہ ہو) تو اس کو زکوٰ ۃ دینا جائز ہے، نیز قرابت داروں کو زکوۃ دینے میں دھرا اجر ملتا ہے: ایک  زکوۃ ادا کرنے کا اور دوسرا صلہ رحمی کا۔ 

نیز ملحوظ رہے کہ اپنی اولاد اور ان کی اولاد (پوتاپوتی، نواسا نواسی، نیچے تک) کو  اور  اپنے والدین اور ان کے والدین (دادا دادی ،نانا نانی، اوپر تک) کو زکوۃ  دینا جائز نہیں ہے، نیز شوہر اپنی بیوی کو اوربیوی اپنے شوہر کو زکوۃ  نہیں دے سکتی، ان رشتوں کے علاوہ باقی سب مستحق رشتہ داروں کو زکوۃ دینا جائز ہے۔فقط واللہ اعلم